დღეს, ყურანისა და რელიგიური საფუძვლების საზაფხულო სწავლების ფარგლებში, ბეშუმის მეჩეთში, პედაგოგებისა და მოსწავლეების მონაწილეობით გაიმართა შემაჯამებელი ღონისძიება, სადაც წარმოდგენილი იყო მათ მიერ მომზადებული მრავალფეროვანი პროგრამა.

დღეს, ყურანისა და რელიგიური საფუძვლების საზაფხულო სწავლების ფარგლებში, ბეშუმის მეჩეთში, პედაგოგებისა და მოსწავლეების მონაწილეობით გაიმართა შემაჯამებელი ღონისძიება, სადაც წარმოდგენილი იყო მათ მიერ მომზადებული მრავალფეროვანი პროგრამა. საზაფხულო არდადეგების პერიოდში სასწავლო პროცესი მიმდინარეობდა სრულიად საქართველოს მუსლიმთა სამმართველოს ორგანიზებითა და მუსლიმური ორგანიზაციების აქტიური ჩართულობით. ღონისძიებას ესწრებოდნენ: სრულიად საქართველოს მუფთი ჰაჯი ადამ შანთაძე, მუფთის მოადგილეები – რეზო მიქელაძე და მინდია ირემაძე, სამუფთოს ადმინისტრაციის წევრები, ხელისუფლების წარმომადგენლები, რეგიონისა და მუნიციპალიტეტების მუფთები, იმამები, თეოლეოგები, პედაგოგები, მუსლიმური ორგანიზაციების წარმომადგენლები და მუსლიმი მრევლი. მადლობას ვუხდით ყველას, ვინც თავისი ცოდნით, ძალისხმევითა და ერთგულებით წვლილი შეიტანა საზაფხულო სწავლების მიმდინარეობასა და ამ ღონისძიების წარმატებით ჩატარებაში. უზენაესი ალლაჰი იყოს თითოეული ჩვენგანის შემწე და მფარველი. დაე, მიიღოს ჩვენი კეთილი საქმეები, გაგვაძლიეროს რწმენაში, მოგვმადლოს ჯანმრთელობა,ხვავი, ბარაქა და სიკეთე ამქვეყნიურ და მარადიულ ცხოვრებაში. აამიინ!