საზეიმო ვითარებაში გაიხსნა სრულიად საქართველოს მუსლიმთა სამმართველოს შუახევის სამუფთოს ოფისი

მოწყალე და მწყალობელი ალლაჰის სახელით საზეიმო ვითარებაში გაიხსნა სრულიად საქართველოს მუსლიმთა სამმართველოს შუახევის სამუფთოს ოფისი, რომელსაც მუსლიმთა სამმართველოს ორგანიზებითა და ჩვენი მრევლის ხელშეწყობით სრული რესტავრაცია ჩაუტარდა. ​ღონისძიებას ესწრებოდნენ: აჭარის ავტონომიური რესპუბლიკის მთავრობის თავმჯდომარე ბატონი ზურაბ პატარაძე, საქართველოს პარლამენტის წევრი ბატონი ანზორ ბოლქვაძე, მაღალმთიანი აჭარის დელეგატები აჭარის უმაღლეს საბჭოში ფრიდონ ფუტკარაძე და მინურ პაქსაძე, აჭარის საავტომობილი გზების დეპარტამენტის თავმჯდომარე ბატონი ზაზა შავაძე, რელიგიის საკითხთა სახელმწიფო სააგენტოს რეგიონული კოორდინატორი ბატონი აბესალომ ასლანიძე, შუახევის მუნიციპალიტეტის მერი ბატონი ომარ ტაკიძე, საკრებულოს თავმჯდომარე ბატონი იაგო დავითაძე, ადგილობრივი ხელისუფლების წარმომადგენლები, საელჩოს რელიგიის მრჩეველი ბატონი მახმუდ გოლი, მუსლიმური ორგანიზაციების წარმომადგენლები, მუფთები, იმამები, სრულიად საქართველოს მუსლიმთა სამმართველოს ადმინისტრაცია, თეოლოგები და ადგილობრივი მრევლი. ​დიდ მადლობას ვუხდით მობრძანებისა და მხარდაჭერისთვის მთავრობის თავმჯდომარესა და თითოეულ ადამიანს, ვინც საკუთარი მოკრძალებული წვლილი შეიტანა ამ მნიშვნელოვან და სამადლო საქმეში. ​უზენაესი ალლაჰი იყოს თითოეული ჩვენგანის, ჩვენი ოჯახებისა და სრულიად საქართველოს შემწე და მფარველი! აამიინ!