სრულიად საქართველოს მუსლიმთა სამმართველოს ცენტრალურ ოფისს სტუმრობდნენ გერმანიაში მოქმედი ორგანიზაცია „ISLAMIC COMMUNITY”-ს (IGMG) თავმჯდომარე ქემალ ერგუნი

სრულიად საქართველოს მუსლიმთა სამმართველოს ცენტრალურ ოფისში გამართული შეხვედრის შემდეგ, გერმანიაში მოქმედი ისლამური გაერთიანების „ISLAMIC COMMUNITY“ (IGMG)-ის თავმჯდომარე ქემალ ერგუნი, თავმჯდომარის მოადგილე ჯელილ იალინქილიჩი, ჰამბურგის რეგიონალური კოორდინატორი ენეს ნასი, დიუსელდორფის რეგიონალური კოორდინატორი ბაჰათთინ ილმაზი და თავმჯდომარის პირადი მდივანი ეიუფ სეისი ბათუმს ეწვივნენ. მუფთი ჰაჯი ადამ შანთაძე სტუმრებს გულთბილად მიესალმა და მრავალწლიანი მხარდაჭერისა და საქველმოქმედო საქმიანობაში შეტანილი მნიშვნელოვანი წვლილისთვის მადლობა გადაუხადა. შეხვედრის ფარგლებში მან სტუმრებს გააცნო სრულიად საქართველოს მუსლიმთა სამმართველოს საქმიანობა, საქართველოში მცხოვრები მუსლიმი თემის მდგომარეობა, სამმართველოსა და სახელმწიფოს შორის არსებული თანამშრომლობა, ასევე ურთიერთობები სხვადასხვა მუსლიმურ ორგანიზაციებთან. თავის მხრივ, სტუმრებმა მადლობა გადაუხადეს მუფთს გულთბილი მასპინძლობისთვის, დადებითად შეაფასეს მუსლიმთა სამმართველოს საქმიანობა და მომავალში ორმხრივი თანამშრომლობის კიდევ უფრო გაღრმავების მზადყოფნა და სურვილი გამოთქვეს. ვუსურვებთ ჩვენს სტუმრებს წარმატებებს თავიანთ საქმიანობაში და მადლობას ვუხდით საქართველოში სტუმრობისა და თანამშრომლობისთვის.